INATAKE ng nerbiyos si Elise nang umugong sa kaniyang tainga ang magkasunod na putok ng baril. Nasa loob siya ng kuwarto ng yate at nagbibihis. Dahil sa pagkataranta ay hindi niya naibotones nang maayos ang kaniyang blouse. Nanginginig na kasi ang kaniyang katawan.
Sumuksok siya sa gilid ng kama at sumalampak sa sahig. Tinakpan niya ng mga palad ang kaniyang tainga upang humina sa pandinig niya ang putok ng baril.
Mayamaya ay tumigil ang putok ng baril kasama ng kalampag sa pinto.
“Elise!” tinig ni Terrence.
Ayaw humupa ng panginginig niya at hindi siya makatayo. Wari napapako na ang mga paa niya sa sahig. Patuloy na kinakalampag ni Terrence ang pinto, hanggang sa nabuksan ito.
“Elise?” sambit nito. Mabilis itong nakalapit sa kaniya at mahigpit siyang niyakap. “Calm down. Walang
