NANULAS mula sa kamay ni Elise ang hawak na baso na may lamang tubig. Humilagpos ito sa sahig at nagkalat ang bubog. Nakabalik na siya sa bahay ni Terrence matapos malamang pauwi na ang binata. Ginupo siya ng hindi mawaring kaba habang nakatitig sa nabasag na baso.
Nang mahimasmasan ay kumuha siya ng walis at dinakot ang mga bubog. Pagkuwan ay naglampaso siya ng sahig. Katatapos lang niyang maghapunan kasama si Grace. Umalis na rin ito. Binisita lang siya nito at bumili na rin ng karne ng manok.
Naglinis na siya ng buong bahay. Lunes kinabukasan at may trabaho pero wala pa siyang balak matulog. Nababalisa siya. Upang malibang ay sinuyod niya ang buong bahay kakalinis. Ang huling pinasok niya ay ang punishment room. Doon na siya inabutan ng pagod at antok.
Kinabukasan ay late na nakap
