KINABUKASAN ng hapon na sila bumalik ng bahay. Nabitin si Elise sa picnic nila pero sobrang nag-enjoy naman siya. Marami siyang napatunayan habang masayang ka-bonding si Terrence at mommy nito. And she made up her mind, convinced herself what she really wanted.
Madaling araw ng Lunes umalis ang mommy ni Terrence pauwi ng Maynila. Nasulit naman ang bonding nila ng ginang at marami itong pangaral sa kaniya. Tila nagkaroon siya ulit ng pangalawang ina. Sobrang sweet ng mommy ni Terrence, at alam na niya na dito nagmana ni Terrence ang soft side nito.
Bumalik na sa trabaho ang dalaga at naging abala sila dahil sa dami ng bagong retailer ng product nila. Nag-hire sila ng bagong driver na maa-assign sa warehouse sa Maynila at sa parte ng Visayas, sa Cebu once nagawa na ang gusali. Matagal na
