SAGLIT lang binilad ni Terrence ang mga damit sa araw dahil tuyo naman na ang mga ito. Gusto lang niyang mainitan ito para mas mabango. Natapos din silang naglaba at kaagad naligo sa swimming pool si Elise kahit may araw pa.
Tumambay siya sa umbrella hut at doon sinagot ang tawag ni Tristan. Hindi maalis ang tingin niya kay Elise na lumalangoy, hindi man lang naghubad ng damit.
“Elise, baka kukupas ang pulang damit mo! Hubarin mo!” sigaw niya.
“Hindi ito kukupas!” sagot naman nito.
“Tsk!”
“Terrence,” ani Tristan buhat sa kabilang linya.
Bihira siya nitong tawagan, madalas ay siya ang tumatawag.
“What’s the matter?” tanong niya naman.
“I’m waiting for Thrasius to call, but he didn’t do it. What happened? Are you two talked already?”
“Uh, yes, kanina. Nabigay ko na sa kaniy
