Chapter 70
Umupo si Samantha sa monoblock habang pinapanuod ang kaniyang mga kaibigan na nagsasayawan. Masayang nag-iinuman ang mga ito at isine-celebrate ang kanilang kasal ni Franco.
Pagkatapos ng mga nangyari sa kanila ni Franco ay wala na siyang dapat na ikatakot. Lalo na ngayon na buntis siya at magkakaroon na sila ng pamilya ni Franco.
Hinawakan niya ang kaniyang tiyan. Kahit na manipis pa ito ay ramdam niya na magiging Nanay na siya. Magsisilang na siya ng isang buhay para alagaan at mahalin. Iparamdam niya rito ang pagmamahal na naranasan niya sa kaniyang mga magulang.
Pinahid ni Samantha ang luhang bumalong sa kaniyang mga mata.
"Kailangan mo ba ng panyo?" tanong ni Tres na hindi niya namalayan na nasa kaniya na pa lang tabi. Humila ito ng upuan at saka tumingin sa mga kaibig
