Chapter 68
Kinakabahan habang nakatingin sa salamin si Samantha. Naghihintay sa kaniya ang kaniyang mga kaibigan sa labas ng vacation house. Maingay na roon dahil sa host na si Pepper. Naririnig na niya ang pagtawag nito sa kaniyang pangalan.
Nakasandal naman sa labas ng pintuan si Franco at nakatingin sa kaniya. Masayang-masaya ang binata at nakikita niya iyon sa mga mata nito. Iyon din ang saya na nakita niya noong araw na ikakasal dapat sila ni Franco. Ngunit hindi natuloy dahil kay Kaycee. At ngayon ay wala nang hadlang sa kanilang pagmamahalan.
"Hindi ka pa ba lalabas?" tanong ni Franco na nakangisi sa kaniya. "Wala ka bang balak na humarap sa kanila? Ang huling party mo ay ang eighteen birthday mo. Tama ba ako, Sam?"
Sinimangutan niya ang binata. Naiinis siya kapag nakikita niya
