Chapter 20: Continuation
HUMALUKIPKIP si Kaycee habang nakatingin sa ipinakilalang nobya ni Franco. Naiinis siya at gusto niyang sugurin ang babae at ipamukha rito na hindi ito nababagay sa kanila.
Tinignan niya ito mula ulo hanggang paa, nakasuot ito ng mga mamahaling damit at sa tingin niya ay hindi ito sanay sa ganoong pananamit dahil nakikita niya kung paano nito hatakin ang fitted na red dress na hanggang hita nito. Maganda ang katawan ni Samantha, pero hindi katulad niya na sexy at class kung titignan. Para itong nabihisan lamang at nagmukhang hindi nila kapantay.
"Ano ang ibig sabihin nito, Franco?" bakas sa boses ng kaniyang ama ang galit habang nakatingin sa kasama nito.
"Ipinapakilala ko sa inyo ang babaeng gusto kong pakasalan," ani Franco na nakatingin sa kanilang tatlo. Ma
