Chapter 66
Biyernes ng hapon nang makarating sina Tres at Dalen sa Isla Margarita. Naabutan nila ang isang event ng isla, ang fire dancing na napapalibutan ng mga manunuod.
Inihilig ni Dalen ang ulo nito sa kaniyang balikat. Hawak naman niya kamay ng dalaga at idinikit ang ulo sa ulo nito.
"Ang ganda-ganda sa lugar na ito."
"Madalas ako rito noon kapag stress ako. Matutuwa ka sa mga activities dito sa isla pero siguro sa susunod na lang natin gawin dahil magtutungo pa tayong San Celestino bukas ng umaga. May inihandang surpresa ang Team Happy Café para kay Sam. Baka magtampo si Weng sa akin kapag hindi tayo sumipot."
Tiningala siya ni Dalen. "Kaibigan mo si Samantha at hindi ko iyon mababago. Wala ka namang dapat na ikabahala, Tres. Okay na sa akin ang sitwasyon... alam ko na, na ako
