Chapter 72
"Sir Franco, kanina ka pa ikot nang ikot riyan!" reklamo ni Pan habang nakaupo ito sa waiting area ng delivery room.
Ala una ng madaling araw nang bigla niyang isugod sa hospital si Samantha dahil masakit na raw ang tiyan nito. Sinabi ni Doctora Bautista na manganganak na si Samantha at pumutok na ang panubigan ng kaniyang asawa. Dahil sa nerbiyos na kaniyang nararamdaman ay tinawagan niya si Pepper pero si Pan ang dumating dahil nasa out of town si Pepper kasama ni Tres. May inaasikasong business meeting ang mga ito.
"Relax ka lang, sir. Matapang si Samantha at isang buga lang niyon ng hangin ay manganganak na," ani Pan na pinapalakas ang kaniyang loob.
Umupo siya sa tabi ni Pan at inihilamos ang palad sa kaniyang mukha. "Normal ang delivery ni Samantha pero kung hindi niya
