UNTI-UNTING nawala ang nararamdamang panibugho ni Azriel nang makita ang kaniyang pakay na nakaupo sa isang bench na para bang nagmumuni-muni ng mga sandaling iyon. Mag-isa lang si Samarrah sa malawak na hardin na iyon. Wala roon si Mark Brice katulad ng kaniyang iniisip kanina.
Si Jamil ang tumikhim para kunin ang atensiyon ni Samarrah.
Nang lumingon ito sa kanila ay natigilan pa ito nang makita siya. Huminga nang malalim si Azriel bago nilapitan si Samarrah.
“Can we… can we talk in private?” pakiusap pa niya sa nobya.
“Private place rin ito,” ani Samarrah na nagbawi na ng tingin.
“I know. Pero hindi rito sa labas.” Sumulyap pa siya kay Jamil. Ayaw niya na pati ito ay makikinig sa pag-uusap nila ni Samarrah.
Walang imik na tumayo na si Samarrah buhat sa pagkakaupo. Pagkuwan ay muli
