PAKIRAMDAM ni Bia ay bumabawi sa kaniya si Kennedy kinabukasan dahil buong atensiyon nito ay nasa kaniya. Nang mamasyal sila sa mismong Taal Volcano Island ay ni hindi ito nagdala ng cell phone para walang istorbo sa pamamasyal nila.
At sa ayaw at sa gusto niya, lalo lang nadagdagan ang pagkahumaling niya sa binata. He’s being natural while they are together.
Mas higit din niyang gusto ang Kennedy ngayon kaysa noon. Siguro dahil romantically attracted na siya rito ngayon sa napakaiksing panahon lamang. Bagay na hindi pa nito alam. Akala niya noong una, imposibleng mangyari iyon. Ngunit sa bawat paglipas ng araw, nadadagdagan ang nararamdaman niya rito.
Pang-apat na araw na nilang magkasama ng binata. At bukas, nakatakda siyang magdesisyon kung itutuloy pa ba nila ang pagiging intimate n
