“WHAT’S bothering you?”
Saka lang napansin ni Sam ang paglapit na iyon sa kaniya ni Geo. “H-ha?” react pa niya sa biglaan nitong tanong.
“Ang layo ng tingin mo. Don’t tell me, na-mi-miss mo na agad ang trabaho mo?”
Tumayo ito sa tabi niya. Nasa may terrace sila sa third floor ng kanilang bahay.
Halata ba masyado na kay layo na ng narating ng kaniyang tingin? Nginitian niya ang kaniyang kapatid. Hanggang sa unti-unti iyong mabura nang may maalala.
“What?”
Sumeryoso bigla ang kaniyang anyo at tila ba tinatantiya ito. Hindi pa nakontento at kinuwelyuhan pa niya ito habang nakatingala rito. “Kuya Geo, siguro nga, masyado akong na-focus sa family natin nitong mga nakaraan. Pero ngayon ko lang naalala ang isang bagay kung bakit din ako umuwi rito.”
Mukhang nagkakaroon ng hinala si Geo kun
