Lucas
Napasapo na lang ako ng noo ko habang nakaupo sa kahabaan ng sofa. Ilang oras nang natapos ang sagupaan na naganap kanina sa tulay kung saan naroroon ang lagusan.
Napuruhan kami, ngunit mabuti na lamang ay dumating si Tito Laxus at iba niya pang kasamahan. Tinulungan nila kami't kahit papaano ay nagawa namin silang bigyan ng malalim na sugat na aabot pa ng ilang linggo upang mahilom ng tuluyan.
Sa hindi rin namin malamang dahilan ay bigla-bigla na lamang sila umatras at bumalik sa kabilang mundo. Bukod doon, matapos ng ilang sandali ay halos magkulay dugo ang tubig ng ilog. Sinabayan pa ito ng sunod-sunod na pagkulog at pagkidlat, bumuhos din ang malakas na ulan na siya namang nagdulot ng labis
