BUHAT-BUHAT ni Khalil ang dalaga habang papasok sila sa loob ng condo. Nakatulog na kasi ito sa sasakyan habang iniinda ang sakit ng likod. Hindi na naman natuloy ang date nila. Well, joy ride naman 'yon pero para sa kaniya, date 'yon. Bakit parang sa tuwing may date sila ng dalaga? Napupurnada ito. Is it a coincidence or what? Napabuntong-hininga siya nang maihiga niya si Gabril sa malambot na kama. Kinumutan niya ito.
"Ano ba talagang nangyayari sa 'yo, Gabril?" Tanong ni Khalil sa natutulog na dalaga.
Hinaplos niya ang buhok nito. Nang may mapansin si Khalil sa sahig.
"Huh?"
Nilapitan niya ang mga napansin niyang nasa sahig.
"Balahibo?" Nagtataka niyang saad. "Kailan pa nagkaroon ng balahibo rito?"
Kulay puti ang mga balahibong nakakalat sa sahig. "Saan
