FAYE
Dahil may tama ng bala sa binti ang asawa ko, ang driver na kasama niya ang naghatid sa amin dito sa penthouse.
Nagulat sina Manang Norma nang makita nila kaming dumating, kaya napatayo silang dalawa ni Armida nang bumukas ang pinto at pumasok kami sa loob ng bahay.
“Naku, dumating pala kayong dalawa,” sabi ni Manang Norma sa amin. “Hindi man lang kayo nagsabi ng maaga para nakapaghanda ako ng pagkain ninyo.”
“Naku, okay lang po, Manang,” agad kong sagot. “Huwag na po kayong maghanda ng pagkain at kumain na po kami sa bahay ng Lolo ko.”
Pumasok na sa loob ng silid namin ang asawa ko, kaya naiwan ako dito sa sala kasama sina Manang Norma. Nagkuwentuhan muna kami sandali at kumustahan bago ako nagpaalam sa kanila at sumunod kay Sir Adi sa loob ng silid namin.
Naabutan kong nakaup
