FAYE
Napatingin si Mr. Mondego sa direksyon kung saan nakaupo si Mira. Nakita ko kung paano nangunot ang kaniyang noo bago humakbang palapit sa kaniyang apo.
“Mira, kailan ka pa bumalik dito sa Pilipinas?”
Ramdam ko kung paano natigilan si Sir Adi habang nakatingin siya kay Mira at sa kaniyang Lolo Sabby. Kumpirmasyon ang narinig namin na buhay nga si Mira at bumalik na siya, hindi katulad ng sinabi ng asawa ko na nagpapanggap lamang ang babaeng kaharap namin.
“Mira, tinatanong kita!” malakas na sabi ni Sebastian Mondego sa kaniyang apo. “Anong ginagawa mo dito sa bahay ni Aidan?”
Hindi kumilos sa kaniyang kinauupuan si Mira. Nanatili siyang nakayuko at umiiyak. Mukhang hindi naman nakapagpigil ang matandang kaharap niya at malakas na hinampas ang hawak na baston sa sahig, at nang hi
