FAYE
Alam kong napapansin ni Sir Adi na sinasadya kong magkaroon kami ng distansya dahil umiiwas ako sa kanya. Mabuti na habang maaga ay makaiwas ako sa tukso, dahil wala akong tiwala sa amo ko.
Noong una, akala ko'y bading siya, pero niloko lang pala ako ni Kuya Romeo, kasi paano magiging bakla ang aking amo, eh, malandi si Sir Adi?
Hindi sinabi ni Kuya Romeo na babaero pala ang amo ko, kaya wala akong ideya sa pagkatao niya. Ang dami niyang babae, tapos kung sino-sino pa ang kanyang nabuntis at ngayon ay naghahabol sa kanya.
Natatandaan ko pa ang narinig kong banta ni Sir Adi noong sinabi sa kanya ni Kuya Romeo kung anong naging sagot ko nang ipakita niya sa akin ang larawan ng aking amo.
Sinabi ko kasing mukhang bakla si Sir Adi dahil napakaputi at mukhang maselan. Tinawagan siya
