FAYE
“Faye, Anak!”
Nagising ako mula sa pagkakaidlip ko nang marinig kong tinawag ako ni Papa.
“Kanina ka pa ba?”
Dahan-dahan akong nagmulat at tumingin sa aking ama.
“Sorry po, nakatulog pala ako,” mahina kong sagot.
“Mukhang pagod na pagod ka, Anak,” nag-aalala na sabi sa akin ni Papa.
“Hindi naman po, araw kasi ng pagsusulit namin ngayon, kaya maaga po akong gumising at pumasok sa unibersidad, Papa.”
Minabuti kong magdahilan na lamang dahil hindi maganda sa kondisyon ng aking ama kung mag-aalala siya sa akin.
“Gano'n ba?”
Marahan akong tumango at ngumiti sa aking ama.
“Sa susunod, kung alam mong pagod at puyat ka, huwag ka na munang pumunta dito sa ospital para makapagpahinga ka at makabawi ng tulog,” sabi ni Papa sa akin.
Ngumiti ako sa kaniya at pilit pinasigla ang kilos k
