FAYE
Nagkunwari akong hindi apektado sa presensya ni Sir Adi at hindi ko nakita kung ano ang hawak niya. Inirapan ko siya at muling humarap kina Manang Norma at Armida.
“Puwede po bang tulungan ninyo akong maglinis ng silid namin ni Adi? Siguradong dumikit at naiwan doon ang bacteria na dala ng babaeng haliparot kanina,” sabi ko sa mga kasama ko.
“Itapon na rin po ninyo ang kumot, pati ang una at lahat ng nahawakan ng babaeng iyon.”
Sinadya kong lakasan ang aking tinig nang sabihin ko ito sa mga kasambahay ni Sir Adi para alam nila na kunwari ay mainit pa rin ang aking ulo.
Siguradong magtatanong siya sa akin, kaya inunahan ko na ang asawa ko dahil wala ako sa mood para magpaliwanag sa kaniya ngayon.
“Manang, kayo na lang ang maglinis sa silid namin. Hindi puwedeng magbuhat ng mabiga
