FAYE
Pinaliguan ko si Baby Janica, pero dahil nakasuot ako ng maong na pantalon, ay nabasa ako. Wala naman si Sir Adi, kaya hinubad ko muna ang jacket ko at natira ang manipis na puting sando.
Mabuti na lang at may suot akong cycling shorts, kaya nabilad ko sa likod ng bahay ang pantalon na hinubad ko. Matapos masiguro na hindi mahuhulog ang alaga ko, ay tumayo na ako para hugasan ang feeding bottle na ginamit ni Baby Janica.
Iniwan ko muna siya sa ibabaw ng kama at mabilis kong ginawa ang trabaho ko. Gising pa ang alaga ko, at kapag hindi niya agad ako napansin sa kanyang paligid, siguradong iiyak siya, kaya nagmadali akong naghugas.
Tanghali na rin, pero hindi pa ako nakakaramdam ng gutom dahil past nine o'clock na ako nag-almusal kanina. Mabuti na lang at hindi umiiyak ang alaga ko,
