AIDAN
Sinubukan kong tawagan si Faye, pero hindi niya sinasagot ang tawag ko. Tiningnan ko sa CCTV kung nasaan siya at bakit kahit ilang ulit ko na siyang tinatawagan ay hindi ko siya makausap.
Nasa sala si Faye, kasama si Janica at ang mga kasambahay ko. Nanonood sila ng telebisyon. Upon scanning the whole room, nakita kong nasa loob ng silid namin ang kaniyang cellphone at naka-charge, kaya hindi niya ito dinala sa sala.
Kaya pala hindi niya sinasagot ang tawag ko ay dahil hindi niya dala ang kaniyang cellphone. Nag-dial ako at tinawagan ang numero sa landline sa penthouse para makausap ang aking asawa. Nakita kong sinagot ni Armida ang tawag ko, kaya inutusan ko siyang ibigay kay Faye ang telepono.
“Hello?” Sandali akong napapikit nang marinig ko ang malamyos na tinig ng asawa ko.
