Marami raw media na sumusubok pumasok. Pero sa entrada pa lang ng hacienda ay may nakaharang na. Mas humigpit ang pagpapasok at pagpapalabas dahil sa mga media na sumusubok talagang makapasok at makakuha ng interview sa matandang Salazar. Laman ng pahayagan, at telebisyon ang masamang sinapit ng pamilyang ito.
Naririnig ko na ring nagsisimulang bumuo ng samahan ang mga nasa hacienda na sobrang delay na ang sahod dahil busy ang senior sa pag-asikaso rito sa lamay.
"Pasensya ka na sa nagawa ko no'ng nakaraan." Ako lang ang kasama nito. Abala ang lahat sa mga trabaho nila. Halos mga tauhan lang din sa mansion ang nakikita gabi-gabi.
"Wala na po iyon. Nakalimutan ko na nga po." Sumandal ako sa upuan at tinitigan ko ang matanda. Bagsak na ang katawan nito, ang bilis pumayat, nangangalumat
