Iris POV
"SAAN niyo ba 'ko dadalhin?" nagsisigaw ako nang makababa sa van. Hindi naman nila ako sinaktan. Pero nakapiring ang mga mata ko. Ang hirap ng nakapiring ang mga mata dahil hindi mo alam kung saan ka na ba nila dinadala.
Baka mamaya itulak na lang nila ako sa bangin. Baka mamaya, bigla na lang nila akong barilin. Baka mamaya patalikurin lang nila ako at babarilin. Ayaw ko naman maging si Jose Rizal pag namatay. Hindi ako bayani kaya hindi maging history ang buhay ko.
Naiiyak na ako. Dahil ngayon pa lang miss na miss ko na ang anak ko. Hindi lang si Danica ang na-mimiss ko. Hindi ko akalaing mamimiss ko rin yung daddy niya.
"Saan niyo ba talaga ako dadalhin? Please naman, maawa naman kayo sa akin. Buntis ako. Kahit man lang sa baby maawa kayo. Ayaw ko pa mamatay." ang drama ko.
