Huh?
Sumilip si Vianna sa pinto ng opisina ng butihing Gobernador ng Maynila. Walang tao sa labas kaya sumilip siya pero wala ring tao sa loob.
“Ma’am,”
“Ay mamam!” halos maiitsa niya ang dala niyang milk tea sa gulat.
Tutop niya ang dibdib at ang babae naman ay halos parang sising-sisi sa panggugulat sa kanya.
Ito ang sekretarya ni Brandon na kanina pa niya hinahanap pero wala sa mesa kaya pasilip-silip na lamang siya.
“P-Pasensya na ho, face of a beautiful morning.” Anito kaya napalitan ng hagikgik ang pagkagulat niya.
“Okay lang po. Where is Gob. Kulowtsky?” itinaas niya nang kaunti ang milk tea.
Dinalhan niya iyon dahil napansin niya na halos hindi ginalaw ni Brandon ang pagkain sa mansyon kanina. Tanging Daddy Harry niya ang magana at si Brandon ay nakatulala lang sa maganda
