DWIGHT
Dahan-dahan kong iminulat ang aking mga mata dahil sa halik ng sikat ng araw. Ang malamig na simoy na hangin na siyang dumuduyan sa aking katawan ay animo'y uyaying tumutukso na wag na muna akong gumising. Ngunit gaano man ka-relaxing ang hagod nito sa aking katawan, noong pumasok sa isip ko ang nangyari kagabi, sabik kong binuksan ang aking mga mata, umaasang makita ang minamahal kong si Keisha. Imbes na matuwa, kumunot ang aking noo dahil hindi ko nasulyapan ang mala-anghel nitong mukha. Mabilis pa sa kidlat akong napabangon at agad na tinakpan ang pang-ibabang katawan ng kumot.
"Keisha?" tawag ko pero wala akong sagot na nakuha. Nagtungo muna ako sa closet para kumuha ng damit at nagbihis. Pagkatapos no'n, bumalik ako sa kama para kunin naman ang aking wallet. "Ano 'to?" bulala
