FINN
Mabusisi kong sinusuri ang walang malay na katawan ni Shane na kasalukuyang nalalagi dito sa laboratory. After kasi no'ng umuwi sila Kamatayan kagabi, kinausap ko si Vixel na tulungan akong ilipat ang katawan ng ex niya sa lab para mapag-aralan.
"Ano na, Finn? Wala ka pa ring balak matulog talaga? Kagabi mo pa tinititigan 'yang katawan ni Shane, baka matunaw na 'yan," ani Vixel na kakagising lang. Tiningnan ko ang orasan at laking gulat ko dahil alas-otso na ng umaga.
"Vixel, 'kaw muna dito ang magbantay, uwi muna ako saglit para umidlip," ani ko. Tumango lang ito tapos iwinagway ang kanyang kamay, senyales na pwede na akong umalis. Hinubad ko muna ang suot kong lab gown at sinipat sa huling sandali si Shane.
"Alis na ako ah, wag ka nang matulog ulit, baka magwala 'yan bigla, tam
