KEISHA
Ughh! Nagsisisi akong umakting ako na walang malay. Hindi ko tuloy masabihan si Vince na magdahan-dahan sa pagtakbo dahil 'pag siya nadapa, ako ang mauunang susubsob sa lupa! Nakuu talaga! Pag nangyari iyon, ingungudngod ko ang nguso niya sa punishment room!
Unti-unti kong iminulat ang aking mga mata at ang una kong nakita ay ang nag-aalalang mukha ni Kamatayan.
Shet, hindi ko napansin na nakarating na pala kami. The moment na bumukas 'yong mata ko, kaagad akong niyakap ng demonyo.
"Sige, durugin mo akong bwesit ka!" mahinang reklamo ko. Drained na drained na talaga ang aking energy level kaya hindi ako makapagsalita nang malakas. Kaagad naman itong kumalas tapos sinipat ang noo ko. Akala niya ata nilalagnat ako kaya ako nahimatay, pfft!
"Wa-wala akong lagnat. Gutom lang ako,"
