VINCE
Dalawang araw na ang nakakalipas, ang alapaap ay mayroon pa ring butas. Ang buwan ay muling dumungaw, kaluluwa ang siyang nais na matanaw. Sino ang babaeng nasa aking harap? Sagot sa katanungan, bakit ko hinahanap? Ah, siya ang aking kasalanan. Siya ang magdadala sa akin, sa aking huling hantungan.
"Oi, Vixel? Ayos ka lang ba? Kanina ka pa nakatulala d'yan," pambabasag ni Finn. Hindi ako makasagot, ayaw kong sumagot. Wala akong lakas para bumalik sa dating ako, dahil simula nang matanggap ko ang balita, sumuong ako sa kweba kahit alam kong walang labasan.
Niyugyog ni Finn ang aking balikat, nagbabakasakaling bumalik ang kaluluwa ko sa aking katawan. Akala niya ata hindi ko siya narinig at patuloy pa ring naglalakbay ang utak ko sa pulang alapaap.
"Huh? Anong sabi mo?" pagsisi
