SOPHIA
Maagang binulabog ng kamatayan ang aking katawan. Ito ang piniling araw ni Bathala upang wakasan ang kahayupan ni Nathaniel at puksain ang kanyang kahibangan. Nagtipon-tipon ang limang magagaling na mafia ng BM at sa pakikipag-ugnayan sa may-ari ng paaralan ng SAA, tatlong miyembro ng H&S pa ang sumama.
Napagpasyahan naming bulagain ang demonyo sa pagsapit ng takipsilim. At habang binababaybay namin ang daan patungo sa Saint Augustus Academy, hindi matapos-tapos ang malakas na pagkalabog ng aking puso. Isang text message ang nagpatigil sa akin at iyon ay galing sa aking kapatid na si Keisha.
'Wala kami sa Saint Augustus. Bakit mo natanong? At saka, hindi pala ako makakauwi mamaya para i-celebrate ang kapaskuhan kasama niyo. Kapag may nakita kayong kakaiba, update me, ASAP.'
Mab
