"KUMUSTA ang bago mong paningin, Mrs Saavedra? Wow! Bagay na bagay sa iyo ang blue eyes."
Ang tinig na sumalubong kay Stephanie pagbukas niya ng mga mata. Subalit dahil ilang buwan din siyang nangangapa sa dilim ay hindi siya kaagad nakasagot. Pinagsawa muna niya ang bagong paningin sa mga nandoon. Mula sa asawang nakangiting nakatitig sa kaniya, sa dalawang anak na halatang inip na inip sa pagsagot niya at huli ay ibinalik sa surgeon ng GONZALEZ HOSPITAL na umopera sa kaniya.
Kaso!
Bago pa niya maibuka ang labi at sagutin ang doctor ay tuluyang nainip ang ikalawang anak. Tumuyo ito at bago pa nila mahulaan ang nais gawin ay nasa tabi na ito ng Doctora.
"Auntie, ang sabi mo kahapon kay Mommy ay makakita na po siya after the operation. I still clearly remember that word of yours. Pero
