"MAGTAPAT ka sa akin, Vernon. May pinag-usapan ba kayo ng amo mo bago sumugod sa lungga ng demonyong ex?" kaagad na tanong ni Bryce.
Kung tutuusin ay hindi pa uminit ang kaniyang puwet sa Paris o sa mansion ng mga Saavedra. Masaya siyang nakabalik na ang lover ng namayapa niyang best friend na lawyer ngunit sa aksidenting nalaman ay sumugod siya sa Paris.
"Sa maniwala ka man o hindi, boss, ay wala. Dahil ang usapan namin ay hanggang sa pagligtas lang sana kay baby Alessandro Ramil. Nagulat na lamang ako nang pinauwi ako at sinabing ihatid ko sa airport ang mag-ina kasama si Marielle," paliwanag nito.
"F*ck! Nasaan na ang gag●ng iyon? Mabuti siya at nakita ang pamangking lumabas. Aba'y hahayaan ba niyang ang sarili niyang anak ang hindi masilayan?!" Sa nerbiyos na lumulukob sa kaibutuwir
