ILANG taon na ang nakalipas simula nang ang bunsong anak ng mag-asawang Stephanie at Romnick ang namamahala sa SAAVEDRA COMPANY. Kaya't nagulat ang lahat ang mga empleyado ng naturang kumpanya dahil sa hindi inaasahang pagdating ng big boss.
“Good morning, guys,” masayang pagbati ng mag-asawang Stephanie at Romnick sa mga nakasalubong na empleyado.
Sa mga taong walang ibang ginagawa o tanging trabaho lang ang kanilang inaasikaso ay normal day lang ang araw na iyon pero sa mga mahilig sa tsismis, sila ang maingay.
“Eh, ano naman kung dumating sina Sir at Ma'am? Pag-aari naman nila ang kompanya. Saka ano’ng problema roon samantalang sila nagpapasahod sa atin?” Kibit-balikat ng mga matitinong trabahador.
Well, totoo naman!
Ano nga ba ang problema kung dumalaw ang mga may-ari ng kumpanya!
