"OKAY ka lang ba, Miss Fuentebella?" dinig niyang tanong ng kaniyang amo.
"Boss? Kung kalusugan ko ang ibig mong sabihin ay okay lang po," tugon niya.
Ngunit niloloko lang niya ang sarili at ang kaharap na amo. Dahil sa katunayan ay ibang-iba ang kaniyang pakiramdam. Bukod sa halos ayaw niyang bumangon ng umagang iyon ay nahihilo siya at higit sa lahat ay nasusuka siya samantalang wala pa siyang kinain. Subalit dahil kailangan niyang pumasok ay pinilit niya ang naligo at nagbihis upang makapasok sa trabaho.
"No, Hija. Sa palagay ko ay kailangan mo ang magpakunsulta sa doktor. Ibang-iba ang kulay mo sa ngayon kaysa kahapon. May sakit ka ba, anak?" may pag-aalala pa rin nitong tanong.
Dahil ayaw niyang lumawig pa ang kanilang usapan ay pumayag siyang magpakunsulta. Binilinan pa nga siya
