"SO, how did it go, Madam?" tanong ni Arthur nang dumating ang amo.
"Well, sinabi ko naman sa iyo na hindi ang taong iyon ang sisira sa buhay ko at lalong wala itong magagawa upang maghiwalay kami ng fiancee ko," nakaismid nitong tanong.
"Alam ko iyan, Madam. Dahil mayroon akong tiwala sa iyo. Ang ibig kong sabihin ay tungkol sa asawa ng future bayaw mo," nakatawang wika ni Arthur.
Well, kahit naman hindi sagutin ng amo niya ang tanong ay halata namang tagumpay ang lakad nito. Iyon nga lang ay gusto rin niyang marinig mula rito.
"Nais sana kitang biruin pero alam kong excited ka ring malaman kung nagtagumpay pa tayo. Ang sagot diyan ay yes na yes. Malamang sa oras na ito ay nasa himpapawid na ang matandang iyon. At oras na makarating siya rito ay wala na rin tayo. Wala namang mag-aakal
