NAPABALIKWAS ng bangon si Mara at kaagad na napatingin sa relo na nasa side table. Nanlaki ang kanyang mata nang makita na alas siete na nang umaga. Marahil kinasela na naman ng kanyang asawa ang na-set niyang alarm clock para hindi siya maistorbo sa kanyang tulog.
Nagkukumahog siyang umahon mula sa kama. Pumunta sa banyo. Nag-hilamos at nag-toothbrush at saka dumeretso na siya sa kusina. Naabutan niya si Denver na nagpiprito ng bacon, egg at hotdog. Simula nang dumating sila sa Maynila at tumira sa condo ay ito na lagi ang nagluluto ng breakfast nila. Pinagsisilbihan siya nito lalo kung buong magdamag siya nitong pinagod.
Hindi na natupad ang naunang plano na sa penthouse sila titira sapagkat naging laman siya ng usap-usapan sa kompanya. Kaya naman niyang balewalain ang lahat ng tsismis
