"Hindi na niya kinaya. Wala na siya," tukoy ni Alken kay Miguel.
Kumunot ang pagitan ng mga kilay ni Priya dahil sa sinabi ng nobyo.
Wala siyang maintindihan sa sinasabi nito at kung meron man hindi siya sigurado kung tama nga ba ang kaniyang hinala.
"Hindi na kinaya ni Miguel ang kahihiyan at mas pinili niya ang kamatayan kaysa makulong ng panghabang buhay. Ngayon na ngayon lang... winakasan na niya ang kaniyang sariling buhay," simpleng paliwanag ni Alken sa nobya.
Nanlaki ang mga mata ni Priya at hindi niya maiwasan ang magulat. Alam niyang tuso si Miguel. Ngunit hindi niya lubos akalain na masyado itong ma-pride para magpakamatay.
Hindi man lang nito nabayaran ng matagal at pinagdusahan ang kaniyang mga kasalanan.
Kaagad nakaramdam ng lungkot si Priya. Hindi alam ni Alken k
