"Sir Alken, patawad hindi po namin sinasadya," sabay-sabay na sabi ng mga nagkamali habang nanginginig ang mga kalamnan sa takot.
Dahil kaharap nila ang prinsepe ng Fortiche City ay hindi na nila mapigilang mangamba.
Kaya sila nitong tirisin ng walang kalaban-laban at kung kinakailangan na lumuhod sila hanggang bukas sa harap nito ay gagawin nila ng walang pagrereklamo.
Parang umurong ang mga dila ng mga ito ngunit ginawa pa rin nila ang lahat na humingi ng paumanhin.
"Teka lang, tumayo kayo." Mando ni Priya dahil wala siyang maintindihan sa mga nangyari kung bakit bigla na lang lumuhod ang mga ito sa harapan nila. Wala naman siyang nakikitang mali sa ginawa nila kanina. Wala siyang ideya kung ano man iyon. "Ano'ng ginagawa niyo?" nag-aalalang tanong ni Priya sa mga taga media ngun
