Sa mga oras na ito ay wala ng kinakatakutan si Miguel maliban sa nag-iisang tao na nagparamdam sa kaniya na wala siyang silbi. Ang kaniyang pinakamamahal na ama.
Lahat ng mga pasya niya ngayon sa buhay ay ginawa niya para mapatunayan niya sa tatay niya na hindi siya basura.
Pero wala pa man siyang napapatunayan sa ama niya, lumabas na ang lahat ng mga bahong matagal na niyang itinatago sa lahat ng mga tao.
Tama nga talaga ang sinabi ng iba. Walang usok na pwede mong kimkimin dahil lalabas at lalabas din ito para maghanap ng butas.
Hindi niya alam kung paano'ng nalaman ni Alken ang lahat ng ito.
Kanina pa siya palakad-lakad sa buong sulok ng sala kung saan alam niyang hindi siya mahahanap ng mga tauhan ni Alken.
Iniisip niya ng husto kung paano nalaman ni Alken ang lahat, pero p
