TAPOS nang kumain si Farah nang dumating si Derek. Nagtira naman siya ng kanin dito. Mabuti na lang wala na ang kuya nito. Hindi man lang siya kinausap. Busy kasi sa ibang kasama. Napansin niya na madilim ang aura ni Derek. Bukod sa pulos itim ang suot nito, parang sinakluban din ng kadiliman ang mukha.
Walang sigla itong umupo sa katapat niyang silya. “Kumain ka na,” sabi niya rito. Inilapit niya rito ang pagkain.
Matamang tumitig lang ito sa kanya. “I wanna go out,” sabi nito.
“Huh? Saan ka pupunta?”
“As I said, I want to unwind. Come with me, Farah,” seryosong wika nito.
Napalunok siya. Ramdam niya na may mabigat na dinaramdam si Derek. Malamang nakarinig na naman ito ng hindi maganda mula sa daddy nito.
“Sige pero kumain ka muna,” aniya.
Kumain naman ang binata. Nababag ang loo
