TINATAMAD nang bumangon sa kama si Farah. Nabitin kasi siya sa bakasyon nila ni Derek. Noong nasa rest house kasi sila, hindi niya naiisip ang katotohanang hindi na normal ang buhay niya. Ipinaranas sa kanya ni Derek kung paano mabuhay na walang iniisip na panganib at takot. Hanggat maari ay gusto na lang niya manatili sa piling ng binata.
Maya-maya ay dumating si Narian. Naabutan siya nito’ng nakahilata pa sa kama. Niyugyog nito ang balikat niya.
“Hoy! Aba, hihilata ka na lang ba riyan, Farah? Hinahanap ka ni Rafael, aalis na kayo para sa misyon ninyo! Ilang araw ka na ngang wala, tinatamad ka pang magtrabaho. Bakit, pinagod ka ba nang husto ni Derek, ha?” anito. Pumalatak na ito.
Umupo siya. “Inaantok pa kasi ako,” dahilan niya.
“Asus! Hindi mo ba alam na maya-maya akong tinatanong
