"Mas nauna pa yatang bumagsak ang bruha," medyo nabubulol nang sabi ni Vivian at paekis-ekis na ang lakad niya. Mabuti na lang at todo-alalay sa kaniya si Clinton. Tinamaan na talaga siya ng alak.
"Matulog ka na." Inihiga siya nito sa kama. "Baba lang ako para magligpit."
"Please stay, Hon." Pinigilan niya sa braso si Clinton at kumunyapit sa batok nito. Wala na siya sa sariling katinuan kaya hindi niya alam na tonong nang-aakit na siya. "Please stay beside me, Honey. I want you to be with me tonight..." Hinila niya sa batok ang nobyo, dahilan para mapahiga ito sa tabi niya.
Sa kabila ng kalasingan ni Vivian ay naroon pa rin ang pagtitiwala sa nobyo. Na kahit may mangyari man sa kanila nang gabing iyon ay siguradong pananagutan din siya nito. Baka mas mapaaga pa ang kasal nila kapag ga
