Naging abala na si Vivian sa pag-aasikaso para pumasok sa shop kaya nawala na sa isip niya na tawagan uli si Kuya Hendrix at isauli kay Jessica ang kuwintas nito at itanong sana kung paano iyon nakarating sa kuwarto niya. Tulog pa rin kasi ito hanggang ngayon. Mukhang nasobrahan yata sa alak at lasing na lasing. Ngayon lang kasi nangyari na tinanghali ito ng gising.
Ganoon din si Clinton na kung hindi pa niya ginising ay hindi babangon.
"Are you sure na ayaw mong ihatid kita, Hon?" tanong sa kaniya ng nobyo nang magpaalam siya rito na aalis na.
"Paano mo ako ihahatid kung inaantok-antok ka pa?" Tumatawang tinapik niya ang pisngi ng nobyo. "Balik ka muna sa pagtulog. Kumain na lang kayo mamaya ni Jessica. Tulog pa rin siya, eh. Pero nagluto na ako ng breakfast n'yo."
"Hmm. Ang bait ta
