SAVANNA’S POV
“ANO? Nandyan pa ba sila?” tanong ko kina Ricca habang nasa baba pa ako ng cashier area. Ang sakit na ng leeg ko kakayuko kaya naisipan kong lumipat na puwesto.
Mabilis ako nagpunta ng pantry area pagkuwan ay uminom ako ng tubig. Napabuga ako ng hangin para pakalmahin ang sarili ko.
Sana umalis na siya dahil hindi ako mapakali at di ko matapos-tapos ang trabaho ko. Umupo ako sa malapit sa lamesa saka ko binaon ang mukha ko dito. Malaking problema ‘to kapag makita niya akong nagtatrabaho malapit sa kompanya niya. Paano ko siya haharapin kung sakaling maging regular customer namin siya? Haaay.
“Punta na lang kaya ako sa police at ipakulong ang sarili?” wika ko sa isip saka ako umiling.
“Pero... ayokong makulong. Kawawa naman ang pamilya ko. Ayokong mag-alala sila sa akin,
