SA ILANG araw na lumipas ay naging abala sila Anthony at Sergio sa pag-aasikaso at pamimili ng mga kakailanganin para sa magaganap na kaarawan ni Jayson.
Namili sila ng mga kakailanganin sa party, tulad ng; lobo, loot bags, candies at iba pa.
"Pinapunta mo ako rito para tulungan lang kayong magbomba ng mga lobo?" iritableng sabi ni Arthur habang binobombahan nito ang lobo.
"Hindi mo ba alam kung ano ang iniwan kong trabaho sa kumpaniya para lang puntahan ka rito?" sabi pa nito.
Natatawang naiiling si Anthony. Kasalukuyan na kasi nilang inaayos ang mga dadalhin sa bahay ampunan. Bukas ay kaarawan na ni Jayson at excited na siya para doon.
Hindi niya mapigilan na hindi hangaan si Sergio. Sa pagkakakilala niya kasi rito hindi nito ugaling pagkakaabalahan ang isang tao. Pero nagkamali siy
