NAGISING si Anthony hindi pa ganu'n kaliwanag sa labas. Tiningnan niya si Sergio na mahimbing na natutulog sa kaniyang tabi.
Hindi niya maiwasan na mapangiti habang tititigan ang binata. Hindi pa rin siya lubusang makapaniwala na kasal na sila ngayon ni Sergio. Parang panaginip lang ang lahat.
Marahan niyang inalis ang braso nito sa baywang niya at maingat na umalis sa ibabaw ng kama. Dinampot niya sa sahig ang T-shirt ni Sergio at sinuot iyon, pagkatapod ay humakbang siya palabas sa beranda.
Nilibot niya ng tingin ang buong paligid, wal naman siya halos makita kundi puro building. Niyakap niya ang sarili nang umihip ang malamig na hangin. Ang building kasi ng De Lobo Hotel ang pinakamalaki sa lahat ng building.
Nagpakawala siya ng buntong-hininga nang maalala niya ang text message sa
