NAPAAHON ako sa higaan nang bumukas ang pinto. Pumasok ang isang lalaki na may bitbit ulit ng tray. Inabutan kami ng kanya-kanyang pagkain. Pagkatapos ay lumabas nanatiling nakatayo at pinapanuod kaming kumakain.
"Anong ginagawa mo? Bakit hindi ka pa umalis?" tanong ni Janella.
Hindi ito sumagot.
"Bastos 'to. Kinakausap kita ayaw mong sumagot!" asik ni Janella.
Huminga ako ng malalim at sumubo ng pagkain. Wala talaga akong gana. Nakadalawang subo lang ulit ako kaninang tanghali. Ngayon, ganoon pa rin yata. Muling pumasok sa isip ko ang tungkol kay Samuel. Kumurap-kurap ako para pigilan ang muling pamumuo ng luha.
"Inaantay ko siyang matapos kumain. Bilisan mo dahil magbibihis ka pa."
Nag-angat ako ng tingin. Hindi ko alam kung sino ang tinutukoy ng tauhan ni Samuel pero bigla akong n
