SUMILIP ako ng kaunti sa hiwang ng pinto. Nakaligo na ako at nagbihis. Actually, kanina pa ko gising. Hindi nga ako masyadong nakatulog kakaisip sa kung anong mangyayari sa amin ni Deniz ngayong kami na.
Hindi naman romantic ‘yong pagsagot ko sa kanya. Kung hindi dahil sa pinsan niya baka nga walang kami pa rin.
Pagtapos ko magbihis. Nanatili ako sa loob ng kwarto. Alas-nueve na. Gusto ko na rin lumabas sa kwarto ko pero nahihiya pa rin ako.
Hindi ako iniistorbo ni Deniz kapag ganitong late ako bumabangon pero alam kong nakaluto na siya ng almusal dahil naamoy ko ‘yong kanina. Hindi nga lang ako lumabas.
Marahan kong sinara ang pinto. Wala naman siya. Bibilisan ko na lang siguro kumain sabay papasok ako sa loob ng kwarto. Dire-diretso ang lakad ko patungo sa kusina.
Nasa island coun
