"Ano ba ang nangyari?" tanong sa akin ni Sha nang kumalma na ako. Binigyan niya rin ako ng bottled water.
"Alam kong may kinalaman si Russel kung bakit ganoon nalang ang mga anak ko sa akin."
Umiling si Sha. "Jewel... hindi ako fan ni Russel, ha. Noon pa man nagtatrabaho tayo sa isla ng tiyahin niya ayaw ko na talaga sa kaniya. Obvious na babaero. Pero..." nagbuntong-hininga siya. "hindi rin naman yata fair na sa kaniya mo nalang isisi ang lahat..."
Napatingin ako sa kaniya.
"Jewel, ilang taon ka rin wala. Malalaki na rin ang mga anak ko at may sariling isip. Natural naman siguro kung nagtatampo sila sa 'yo..."
Nagbuntong-hininga nalang ako.
Nang nakarating sa bahay ay agad kong hinanap si Lila. Hindi na ako nakabalik sa office at pinadiretso ko na ang sasakyan dito sa bahay. Nap
