"Aaaaaaaaaaaahh!!" balikwas ang bangon ni Lyn. Pinagpapawisan ito ng malapot. Namumutla at dilat na dilat ang mga mata na hinahabol ang hininga. Takot na takot ang ekspresyon ng kanyang mukha.
"Iha, okay lang ba?!" bulalas na tanong ni Aling Marina sa dalagang kanina lamang ay umuungol sa pagkakatulog.
Napalunok si Lyn. Kinapa-kapa niya ang sarili. Hindi siya makapaniwala na buhay pa siya. Ang buong akala niya ay nasama na talaga siya sa pagsabog ng van. Kanina lang ay ramdam na ramdam niya ang mainit na apoy.
"Salamat po at ginising niyo ako!" garalgal na tinig ni Lyn na yumakap kay Aling Marina. Alam na niya ang nangyari. Bago sumabog ang van ay nagising siya.
Salamat sa Diyos!
"Magtulungan tayo na gisingin sila" pagkuwa'y sabi sa kanya ni Aling Marina.
Tuliro na napalingon-lingon
