"Sige subukan mong saktan ang asawa ko at ikaw ang mauunang makipagkita sa amo ninyong si Satanas!" mariing wika ni Grace sa poncio pilatong nanutok ng baril sa kaniyang asawa.
Marahil ay nalingat siya kanina sa monitor pero hindi puweding may mangyaring masama sa taong mahal niya. Kaya't mabilis pa sa alas kuwarto ang ginawa niyang paglapit sa mga ito at walang kahirap-hirap na tinutok din dito ang kanyang baril.
"Asawa ko, ano ang ginagawa mo rito? Dapat sa monitor ka lang," may pag-aalalang sambit ni MJ nang nakita ang asawang iniwan sa sasakyan kung saan naroon ang monitor nila.
Nais namang matawa ng herodes na poncio pilato nang napansin ang takot sa mukha ng mag-asawa. At agad niyang tinanggal ang kaniyang piluka.
"Tarantado, ka De Luna! Paano kung makunan ang asawa ko dahil sa
